04.05.2022د منظور غورځنګ
[04.May.2022 - 10:45]غزل
۔۔۔۔۔۔۔۔
د حالاتو خونخواري ده، بې وسي ده، زړه سوندان که
ستړې،ستړې زندګي ده، مجبوري ده، زړه سوندان که
”احمد شاه“ خپلواک بابا و، تر ډهلي و رسېدلی
زموږ په برخه غلامي ده،سر کوزي ده،زړه سوندان که
”خوست“بمبار سو،تلاشي سو،د”لايق“ګرديز به ړنګ سي
کور په کور يې تلاشي ده، بمباري ده، زړه سوندان که
د قصاب چړې په وينو، رنګېدلي د سر تيرو
د سپين پوښو باچايي ده، غلامي ده، زړه سوندان که
د ريال چمک دمک سو، د ډالر سجده سپېڅلې
په کلدارو نوکري ده، بندګي ده، زړه سوندان که
د منصور د خيل وګړي،د”منظور“غورځنګ ته دانګي
زهير لوبه منصوري ده،سربازي ده،زړه سوندان که
(عصمت الله زهیر)