25.04.2022حجره
[25.Apr.2022 - 14:35]
بيا د خوږ زړونو ټکور دی په حجره کښې
داسې ګرم ټنګ ټکور دی په حجره کښې
خوشحال خان په کټ کښې ناست دی شومه دم ده
ګوره ويښ د قام غمخور دی په حجره کښې
شپه پخه شوه واده کړي کور ته لاړل
د لونډو خو بس کور دی په حجره کښې
په حجره کښې فرق د خان او نوکر نشته
هر سړی د سړي ورور دی په حجره کښی
د تيراه د لام قيصه شروع شوه واوره
د فرنګ پکښې مخ تور دی په حجره کښې
دا خېبر دی ستا په غم کښې یې بنګ څښلي
پروت په خاورو کښې نسکور دی په حجره کښې
ارواښاد خیبر اپریدی