هری کرشنا
[09.Aug.2018 - 15:06]هری کرشنا ، هرېرام ؟
کال نیم وروسته دوه یاران خپلو کی ګوری
پُرس اوپال کړي دیوبل له هره لوري
دا یو وائې و دې بل ته چی ورورکه
راته ووایه اول له خپل زویکه
هغه وخت چی مالیدلی ستا بچی و
په خوراک دخاورو روږدی دا کمکی و
اوس هم خوری خاوری که نه دغه ماشوم
که نه روږدي دی په خاورو لا مظلوم ؟
یار ئې ووې چې اوس شکر د مولادی
له خوراک ځنی دخاورو مُبرا دی
خو، کپه کپه اېرې خوري لېونی اوس
په څه توګه له اېرو وژغورم دی اوس ؟
ـــ
نن زموږه دهېواد ورته څېره ده
په یقین چی هر انسان ته مسخره ده ؟
دکوکنارو پر ځای چرس کري وګړی
چی له چرسو څه راز خلاص کړو نوموړی
تولیديږی په ټنو خروار خروار
اول ګَرد د( سرِ پُل ) او د( مزار )
دو دَوي زموږ ځوانان دغه شېرک
یو اوبل ته په تحسین وائې بیشک
دم هرې دم ـــ میت جائې غم
بولو صبح ؤ شام ـــ هرې کرشنا هرې رام ؟؟؟
عبذالوهاب سرتېر