لمر اوسپوږمۍ
[24.Feb.2018 - 14:40]لمر او سپوږمۍ هيڅ هم اوس خوند نه کوي
ځواني په تلو ده زړۀ مې ژوند نه کوي
لۀ ښاره راغلو! يو سړک غزل ته
شاعر اوس ذکر د ايلبند * نه کوي
اوبو کې پټه ئې چاړۀ ايښي وي
قاتل چالاک شو کش څرگند نه کوي
يوورځ به وړې وي سيلاب دا کلې !
خوړ ئې لوئيږي غم د بند نه کوي
فاران نه هېر شو ستا د شونډو لذت !
فاران خبرې اوس د قند نه کوي
- ايلبند دغرۀ بره څرځائې چې کوچيان پکې اوړي کې مال څروي بره وطن کې داسې ايلبندونه مشهور دي
- فیصل فاران